ტომას რონსერომ „რეალისა“ და „ჟირონას“ მატჩის შემდეგ ლა ლიგა დასრულებულად გამოაცხადა.

„ყველაფერი დამთავრდა. ჩემი გული ტირის, მაგრამ რეალობას თვალებში უნდა შევხედოთ. „რეალმა“ ლა ლიგის ტიტული ჟირონასთან იმ წყეულ 1-1 ფრეზე დატოვა. ეს არ იყო უბრალოდ ქულების დაკარგვა, ეს იყო იმედის დასასრული. ჩვენი გუნდი მოედანზე უსულოდ დადიოდა, მაშინ როცა მეტოქე ყოველ სანტიმეტრზე იბრძოდა. ჟირონამ დაგვანახა, რომ მხოლოდ სახელით და გერბით თამაშების აღარ წყდება. ჩემპიონობა ხელებში გვქონდა და ბოლო ტურებში ისე გავუშვით, თითქოს არც არაფერი ყოფილიყო.“

თუმცა, როგორ შეიძლება სიმართლეზე თვალი დავხუჭოთ, როდესაც მოედანზე არბეროლა როხასის მსგავსი „მსაჯები“ დარბიან? ის, რაც მბაპეს წინააღმდეგ მოხდა, იყო ნამდვილი ძარცვა შუა დღისით! აშკარა პენალტი, ფატალური შეცდომა, რომელმაც თამაშის ბედი შეცვალა. მბაპე საჯარიმოში წააქციეს, მთელი მსოფლიო ხედავდა ამას, გარდა როხასისა. ეს არ არის პირველი შემთხვევა, როცა მსაჯების უვიცობა სამეფო კლუბს  სასიცოცხლოდ მნიშვნელოვან ქულებს ართმევს. ეს იყო დარტყმა ზურგში, რომლისგანაც გუნდი ვეღარ მოვიდა გონს.

საკმარისია თავის მოტყუება - მადრიდის „რეალი“  კრიზისშია. გასახდელში სრული ქაოსია, ფეხბურთელების თვალებში კი იმ ცეცხლს ვეღარ ვხედავ, რომელიც ბერნაბეუს აგუგუნებდა. ჩვენი თამაში გახდა პროგნოზირებადი, ნელი და უსულო. როდესაც გუნდი ჟირონას დონის მეტოქესთან შინ ვერ ახერხებს უპირატესობის შენარჩუნებას, ეს ნიშნავს, რომ სტრუქტურა მოშლილია. ჩემპიონატის მოგების შანსი ნულს გაუტოლდა და ამას აღიარება სჭირდება, რაც არ უნდა მწარე იყოს ეს.

განსაკუთრებული რისხვა ჩვენს ნახევარდაცვას ეკუთვნის. სად არის კრეატივი? სად არის ის „ხიდი“, რომელიც ბურთს ჩვენს წინახაზელებამდე მიიტანდა? მოედნის ცენტრში ვხედავთ მხოლოდ უმისამართო პასებს და პოზიციურ შეცდომებს. მბაპე და ვინისიუსი მოწყვეტილნი არიან გუნდს, რადგან ნახევარმცველები ვერ ახერხებენ თამაშის წაკითხვას. ეს არ არის ის „რეალი“, რომლის ნახევარდაცვაც ევროპას აზანზარებდა. დღეს ჩვენი ცენტრი არის სტატიკური, უინიციატივო და სრულიად უსუსური მაღალი პრესინგის პირობებში.

ახლა კი, როცა ლა ლიგა ოფიციალურად ჩავაბარეთ წარსულს, მთელი აქცენტი მიუნხენის „ბაიერნთან“ მატჩზე უნდა გადავიტანოთ. ეს არის ჩვენი ბოლო შანსი, გადავარჩინოთ სეზონი. სხვა გზა აღარ არსებობს - ან ევროპის მწვერვალი, ან სრული კრახი. ფეხბურთელებმა უნდა გაიგონ, რომ „ბაიერნთან“ თამაში არ არის უბრალოდ მორიგი მატჩი, ეს არის ბრძოლა გადარჩენისთვის. თუ იქაც ისეთივე უსუსურები ვიქნებით, როგორც ჟირონასთან, მაშინ ეს სეზონი ისტორიაში ერთ-ერთ ყველაზე დიდ ჩავარდნად ჩაიწერება.

ლა ლიგაში სასწაულის ლოდინს აზრი არ აქვს, მათემატიკა და ლოგიკა ჩვენს წინააღმდეგაა. მადრიდისტებს სიმართლე უნდა ვუთხრათ. ტიტული ხელიდან გამოგვეცალა. ახლა მხოლოდ ჩემპიონთა ლიგის ჰიმნი თუ აიძულებს ამ ფეხბურთელებს, გაიღვიძონ და აჩვენონ ის ხასიათი, რაც მადრიდის „რეალს“ შეეფერება. ბაიერნი მოდის და ჩვენ მზად უნდა ვიყოთ ომისთვის, რადგან შიდა ასპარეზზე უკვე ყველაფერი წავაგეთ.

მბაპეს ვერგამოყენება და ნახევარდაცვის სისუსტე - აი, ჩვენი დღევანდელი რეალობა. მწვრთნელმა უნდა გაიღვიძოს, სანამ გერმანული მანქანა გადაგვივლის. ჟირონასთან ნაჩვენები ფრე იყო განაჩენი, რომელმაც წერტილი დაუსვა ჩვენს ამბიციებს ესპანეთში. ახლა მხოლოდ ევროპული დიდებაღა დაგვრჩა მოსაპოვებელი, თუკი გუნდი საერთოდ აპირებს ბრძოლას.

მადრიდისტებო, ნუ მოიტყუებთ თავს. 1-1 ჟირონასთან - ეს იყო სიკვდილის განაჩენი ლა ლიგაში. როხასის შეცდომამ მხოლოდ დააჩქარა ის, რაც გარდაუვალი ჩანდა. ახლა მთელი ჩვენი ენერგია, ლოცვა და იმედი მიუნხენისკენაა მიმართული. Hala Madrid!