ალვარო არბელოამ „ბაიერნთან“ მატჩის წინ პრესკონფერენცია გამართა.

„როგორი „რეალის“ ხილვა მსურს? მაქსიმალურად კომფაქტურის, სწრაფის და ეფექტურის. დიახ, სწორედ ისეთი გუნდის, რომელმაც მანჩესტერ „სიტისთან“ ფანები აღაფრთოვანა. მჯერა ჩემი ფეხბურთელების მონდომების და მჯერა, რომ გულშემატკივრებთან ერთად დიდ წარმატებას მივაღწევთ.“

„იმისთვის, რომ გავიმარჯვოთ, ინტენსიური და ჩვენი სტილის ფეხბურთი უნდა ვითამაშოთ. მჯერა, რომ თუ ამას გავაკეთებთ 1/4 ფინალურ ბარიერსაც დავძლევთ.“

„„სიტისთან“ კილიანი არ გვყავდა, ბრაჰიმს კი განსხვავებული დავალებები ჰქონდა. ახლა ვინიმ და ფრანგმა უნდა შეუტიონ, რაც „რეალის“ შეტევით პოტენციალს აორმაგებს. ეს ძალიან მნიშვნელოვანი იქნება იმისთვის, რომ დამაგვირგვინებელ ფაზაში ეფექტურები ვიყოთ.“

„ჩვენთვის მხოლოდ ერთადერთი სცენარი არსებოს და ეს არის გამარჯვება. სხვა სცენარს არ განვიხილავთ.“

„კოლექტიური მენტალიტეტი, ნიჭი და სწრაფი ფეხბურთი. ჩვენ ერთიანად უნდა გავიმარჯვოთ. „ბაიერნის“ დონის გუნდის დამარცხება სხვაგვარად შეუძლებელია. ეს უკვე ძალიან საპასუხისმგებლო ეტაპი იქნება.“

„დიახ, რაც „რეალის“ მწვრთნელი გავხდი, ფრეს ფაქტობრივად არ ვაფიქსირებთ. არ ვიცი, როგორ მოხდა ეს, თუმცა ამაზე ბევრს არ ვფიქრობ.“

„მბაპემ კარგად იცის, რას ნიშნავს „რეალის“ ღირსების დაცვა, აქაურობა მისთვის საოცნებო ადგილი იყო.“

„„რეალში“ დამარცხება დაუშვებელია, სწორედ ამიტომ, წარუმატებელი მატჩების შემდეგ ჩვენს გასახდელში ძალიან არასასიამოვნო გარემოა. ფეხბურთელები ყოველთვის იაზრებენ, რა მოცემულობა დგას.“

„როდესაც ბელინგემი მოედანზეა, „ბლანკოსი“ უფრო მობილური და მრავალმხრივი გუნდია. ინგლისელის რესურსის სწორი გამოყენებაა საჭირო. მიხარია, რომ სეზონის გადამწყვეტ ეტაპზე არაერთი ვარსკვლავი დაგვიბრუნდა.“

„„ბაიერნი“ ძალიან სწრაფი, მოტივირებული და აგრესიული გუნდია, რომელსაც უყვარს ბურთის ფლობა. ვინსენ კომპანიმ ამ გუნდში დიდი სამუშაოები ჩაატარა და საბოლოო ჯამში მიიღო ის, რაზეც ოცნებობდა. მე ვფიქრობ, რომ „რეკორდმაისტერს“ გამართული სტრუქტურა აქვს და ნებისმიერი მეტოქისთვის შეუძლია ზიანის მიყენება.“

„ყვითელი ბარათები? ყველამ იცის, ვის ემუქრება დისკვალიფიკაცია. ჩვენ მაქსიმალური სიფრთხილით თამაში მოგვიწევს, ვინაიდან სასწორზე „ალიანც არენაზე“ დისკვალიფიკაცია დევს.“

„ალაბა სამაგალითო ფეხბურთელია, რომელიც ღირებულებებს და გამოცდილებას ახალგაზრდა მადრიდისტებს გადასცემს. ჩემთვის ავსტრიელთან მუშაობა დიდი პატივია.“