ესპანური გამოცემების ცნობით, ედუარდო კამავინგას და „რეალის“ გზები მაღალი ალბათობით გაიყრება.

ფრანგი ფეხბურთელის წასვლის შანსი გაცილებით მაღალია, ვიდრე დარჩენის. „რეალი“ ხვდება, რომ კამამ მაქსიმუმი უკვე აჩვენა, ეს კი ვერ აკმაყოფილებს სტანდარტს, რომელიც „ბლანკოსის“ ძირითად შემადგენლობაში მოსახვედრად არსებობს.

გავრცელებული ინფორმაციით, ედუარდოს მიმართ ინტერესს ბრიტანეთის არაერთი ტოპ გრანდი იჩენს და მოლაპარაკებებიც დაწყებული აქვს.

ასპარეზზე ასევე გამოსულია ფრანგული „პსჟ“-ც, თუმცა, „ას“-ის ცნობით, ინგლისიდან მომდინარე ინტერესი გაცილებით მასშტაბურია.

ფლორენტინო პერესს ნახევარმცველის გაყიდვა 70-80 მილიონი ევროს ფარგლებში აქვს დაგეგმილი.