ემილიო ბუტრაგენიომ „მალიორკასა“ და „რეალის“ დაპირისპირება შეაფასა.

„პირველ რიგში, უნდა ვთქვა, რომ დღევანდელი შედეგი ჩვენთვის ძალიან მტკივნეულია. მალიორკასთან წაგება იმ ეტაპზე, როდესაც ლა ლიგის ფინიში ახლოვდება, ნამდვილი დარტყმაა. ჩვენ კარგად გვესმოდა ამ მატჩის წონა და ის, რომ აქ მოპოვებული სამი ქულა ტიტულისკენ გადადგმული უდიდესი ნაბიჯი იქნებოდა. სამწუხაროდ, მიზანს ვერ მივაღწიეთ და ახლა რთულ მდგომარეობაში ვართ.“

„არ ვაპირებ რეალობის შელამაზებას, ამ დაკარგულ ქულებს, შესაძლოა, სეზონის ბოლოს გადამწყვეტი მნიშვნელობა ჰქონდეს. როდესაც ჩემპიონობისთვის იბრძვი, ასეთი ჩავარდნები ძვირად ფასობს. თუმცა, ყველამ უნდა იცოდეს ერთი რამ - „რეალის“ იერსახე და მთავარი მახასიათებელი ყოველთვის ბრძოლაა. ჩვენ არასოდეს ვნებდებით, მაშინაც კი, როცა ვითარება უკიდურესად იძაბება.“

„თამაშის ანალიზისას უნდა აღინიშნოს, რომ გუნდს აშკარად აკლდა საჭირო ტემპი. თანამედროვე ფეხბურთში, თუ ბურთს ნელა ათამაშებ და მეტოქეს გადაწყობის საშუალებას აძლევ, მომენტების შექმნა რთულდება. დღეს ჩვენი გადაცემები არ იყო საკმარისად სწრაფი და ვერ მოვახერხეთ იმ ინტენსივობის ჩვენება, რასაც „ბლანკოსისგან“ გულშემატკივარი მიჩვეულია.“

„გარდა ტემპისა, გამოიკვეთა გარკვეული სისტემური ხარვეზებიც. დაცვიდან შეტევაში გადასვლისას ბალანსი დაირღვა, რამაც მეტოქეს კონტრშეტევებზე სივრცეები მისცა. პოზიციურ შეტევაში კი აკლდათ ფეხბურთელებს შორის ის სინქრონი, რომელიც ჩვენს თამაშს ეფექტურს ხდის. ეს ის დეტალებია, რომლებზეც სამწვრთნელო შტაბმა სასწრაფოდ უნდა იმუშაოს, რათა მსგავსი სურათი აღარ განმეორდეს.“

„მიუხედავად იმედგაცრუებისა, ჩვენ არ გვაქვს დრო დაბნეულობისთვის. წინ ჩემპიონთა ლიგის უმნიშვნელოვანესი დაპირისპირება გველის. 7 აპრილს მიუნხენის „ბაიერნთან“ მეოთხედფინალის პირველი მატჩი გვაქვს. ეს არის ტურნირი, რომელიც ჩვენს კლუბს განსაკუთრებულად უყვარს და სადაც სულ სხვა მუხტით უნდა გავიდეთ მოედანზე.“

„მიუნხენის „ბაიერნი“ ისტორიული და უმაღლესი დონის მეტოქეა. მათთან თამაში ყოველთვის დიდ ძალისხმევას მოითხოვს. ჩვენი მიზანია, მალიორკასთან დაშვებული შეცდომებიდან დასკვნები გამოვიტანოთ და გერმანელებთან სრული კონცენტრაციით გავიდეთ. ევროპული ღამეები „რეალისთვის“ ყოველთვის ახალი შესაძლებლობაა საკუთარი ძალის დასამტკიცებლად.“

„მინდა ჩვენს გულშემატკივრებს ვუთხრა, ბრძოლა გრძელდება როგორც ლა ლიგაში, ისე ჩემპიონთა ლიგაზე. ჩვენი ფეხბურთელები პროფესიონალები არიან და იციან, რას ნიშნავს ამ მაისურის ტარება. დარწმუნებული ვარ, გუნდი ადეკვატურ რეაგირებას მოახდენს და სამშაბათს ჩვენ ვიხილავთ ნამდვილ „რეალს“, რომელიც გამარჯვებისთვის ყველაფერს გააკეთებს.“