ესპანური გამოცემების ცნობით, მადრიდის „რეალი“ ორი ნახევარმცველის გაყიდვას და 100 მილიონი ევროს გამომუშავებას გეგმავს.

საუბარი ეხება ედუარდო კამავინგას და დანი სებალიოსს. კამას მიმართ ინტერესი დიდია, როგორც პრემიერლიგის, ასევე ფრანგული გუნდების მხრიდან.

არსებული ცნობებით, „პსჟ“ ოფიციალური წინადადების გასაკეთებლად ემზადება, ასევე საქმეში არიან მანჩესტერ „იუნაიტედი“ და ლონდონის „ჩელსიც.“

ედუარდოს სანაცვლოდ „ბლანკოსს“ ჯამურად 85 მილიონის მიღება სურს, ხოლო დანი სებალიოსის გასხვისება 15 მილიონად იგეგმება.

შარშან „ბლანკოსმა“ სება სწორედ ფასის გამო ვერ გაყიდა, მაგრამ პერესი პოზიციას არ ცვლის და მიიჩნევს, რომ ესპანელის დონისა და გამოცდილების მქონე მოთამაშე 15 მილიონი ნამდვილად ღირს.

„მარკას“ ცნობით, სატრანსფერო შემოსავლებს „ბლანკოსი“ მთლიანად ახალ შენაზენებს დაუთმობს.