მადრიდული გამოცემების ცნობით, სამეფო კლუბს დანი კარვახალთან დაკავშირებით საბოლოო გადაწყვეტილება ჯერ კიდევ არ აქვს მიღებული, თავად კაპიტანს კი დარჩენა სურს.

ესპანელი განაპირა მცველის აგენტი „ბლანკოსის“ გენერალურ დირექტორს შეხვდა და ღიად გამოაცხადა, რომ მისი კლიენტი დარჩენით არის დაინტერესებული.

დანი მზად არის, კიდევ 1 წლით დარჩეს, შემდეგ კი კარიერა ევროპის ფარგლებსგარეთ გააგრძელოს.

„მარკას“ ცნობით, „ბლანკოსმა“ მოსაფიქრებლად დრო ითხოვა. „რეალის“ ხელმძღვანელობა მიიჩნევს, რომ ძირითადი მარჯვენა მცველი ტრენტი უნდა გახდეს, მისი ალტერნატივა კი ახალგაზრდა მოთამაშე უნდა იყოს, რომელიც ეტაპობრივად გაიკვალავს გზას სასტარტო შემადგენლობისკენ, ამ ყველაფერს კი კარვახალის დარჩენა ხელს უშლის.