ტონი კროოსმა მადრიდის „რეალზე“ ისაუბრა და საინტერესო დეტალებს გაუსვა ხაზი.

„მადრიდის „რეალი“ ყოველთვის ყველაზე და ყველაფერზე მაღლა დგას. რატომ წამოვედი? ვფიქრობდი, რომ გუნდს ჩემს გარეშე თამაშის სწავლა შეეძლო და ასეც მოხდა.“

„ვარ გუნდთან ერთად თუ არა, „რეალი“ მაინც იმარჯვება და მიზნებიც არ იცვლება? ახალგაზრდა თაობას ჰქონდა პერსპექტივა იმისა, რომ უმაღლესი მწვერვალები დაეპყრო.“

„შესაძლოა გუნდში ტიპიური თვალსაზრისით, ჩემი სტილის მოთამაშე არ მისულა, მაგრამ გუნდი გადაეწყო და მრავალმხრივი გახდა.“

„„რეალი“ ყოველთვის იქნება ჩემი სახლი. საერთოდ არ გამოვრიცხავ დადგეს დღე, როდესაც ტექნიკურ შტაბში, ან ადმინისტრაციული მიმართულებით ვიმუშავებ, თუმცა ახლა ნამდვილად არა.“

„„ბლანკოსიდან“ წასვლა გააზრებული გადაწყვეტილება იყო. ვიცი, რომ გუნდი კიდევ ძალიან ბევრს მიაღწევს.“

„მასშტაბი, რომელიც სამეფო კლუბს აქვს, სხვაგან არსად მოიძებნება, ამას დანამდვილებით გეუბნებით.“

„ფლორენტინო პერესი? ის ეპოქალური პრეზიდენტია. არამგონია, ვინმემ შეძლოს იგივეს გაკეთება, რაც ფლორენტინომ გააკეთა.“

„მოთხოვნები, რომელიც „მერენგების“ რიგებში იყო, არსად არ არის. ჩემპიონთა ლიგას მოვიგებდით, რამდენიმე საათში კი ახალ სეზონში ისევ გამარჯვებებზე ხდებოდა ორიენტირება, ეს გაუჩერებელი მანქანაა.“

„ზედიზედ 3-ჯერ ჩემპიონთა ლიგის მოგების არავის სჯეროდა, მაგრამ „ბლანკოსმა“ ეს შეძლო, რადგან ყველასგან განსხვავებული კლუბია.“