მიუნხენის „ბაიერნის“ ერთ-ერთი ლიდერი ოლისე, არაერთი გუნდის რადარზეა.

არსებული ინფორმაციით, ოლისეს დამატება მადრიდის „რეალსაც“ სურს და ქმედითი ნაბიჯებიც აქვს გადადგმული, თუმცა „რეკორდმაისტერი“ ახალგაზრდა მოთამაშის გაშვების წინააღმდეგია.

ამასთან ერთად ვრცელდება ინფორმაცია, რომლის მიხედვითაც, „ბაიერნსა“ და 24 წლის მოთამაშეს შორის არსებულ კონტრაქტში დევს პუნქტი, რომლის მიხედვითაც, მისი გამოსასყიდი თანხა 150 მილიონი ევროა.

გამოდის, რომ თუ „ბაიერნის“ ლიდერს გუნდის დატოვება მოუნდება და პერესი 150 მილიონს გაიღებს, ტრანსფერს ხელს ვერაფერი შეუშლის.

მოთამაშის ფასი ძალიან სწრაფად იზრდება. ამ ეტაპზე TransferMarkt-ის განახლებული მონაცემების მიხედვით, ვინგერის ფასი 140 მილიონ ევროს შეადგენს.

გარდა „რეალისა“, ასპარეზზე რამდენიმე კლუბია გამოსული, დანარჩენს კი ზაფხულში ვიხილავთ.