იურგენ კლოპმა გუშინ ინტერვიუ ჩაწერა, სადაც გავრცელებული ჭორები უარყო.

„„რეალს“ ჩემთვის არცერთხელ არ დაურეკავს. ვიმეორებ, ერთი ზარიც არ მიმიღია. სხვა შემთხვევაში, ამას ჩემგან გაიგებდით.“

„სამომავლო გეგმები? არ ვფიქრობ, რომ იმ ასაკში ვარ, როდესაც სამწვრთნელო საქმიანობის დასრულებაზე უნდა ვიფიქრო. ალბათ ამის დროც მოვა, მაგრამ ჯერ ადრეა.“

„გერმანიის ნაკრები? სიმართლე გითხრათ, არც ამას გამოვრიცხავ, თუმცა ახლა არა და არც ახლო მომავალში.“

„მადრიდის „ატლეტიკოს“ ინტერესი? არც მეორე მადრიდული კლუბიდან მქონია შემოთავაზება.“

„ის, რასაც პრესაში წერენ, ერთი და იგივე ადამიანების ფანტაზიაა.“

„მეც ვუყურებ, თითქმის ყოველდღიურ რეჟიმში ვრცელდება ინფორმაციები ჩემს შესახებ, მაგრამ კიდევ ერთხელ გეუბნებით, რომ სამეფო კლუბთან კომუნიკაცია არ მქონია. სწორედ ეს არის სიმართლე.“