ევროპის 2012 წლის ჩემპიონატის საკვალიფიკაციო ეტაპზე, საფრანგეთის ეროვნულმა გუნდმა მორიგი შეხვედრა ჩაატარა.

"მამლებმა" რუმინელებს უმასპინძლეს და დამაჯერებლად 2-0 მოუგეს, რემისა და გურკუფის გოლების წყალობით.მოედანზე პირველი წუთიდან ირჯებოდა ქარიმ ბენზემა, რომელიც შემდეგ 87-ე წუთზე შეცვალეს, ხოლო რაც შეეხება ლასან დიარას, მას გუნდის წარმატებაში მონაწილეობა არ მიუღია.

მაშასადამე, ფრანგები 6 ქულით პირველ პოზიციას დაეუფლნენ.

ასევე გამარჯვება იზეიმა მალის ეროვნულმა გუნდმა.მაჰამადუ დიარას კაპიტნობით, აფრიკელებმა ლიბერიას სძლიეს 2-1.

და ბოლოს ესპანეთის 21 წლამდელთა გუნდის წარმატებაზეც ვთქვათ ორიოდე სიტყვა."ფურია როხას" ახალგაზრდებმა შინ ხორვატიელები მიიღეს და 2-1 დაამარცხეს.თამაშში მხოლოდ 81-ე წუთზე ჩაერთო სერხიო კანალესი.