პრემიერლიგის გრანდები ედუარდო კამავინგას დამატებით ინტერესდებიან.

ფრანგი ფეხბურთელის საკუთარ გუნდში ხილვა სურს „ლივერპულის“, „ჩელსის“ და მანჩესტერ „იუნაიტედის“ ხელმძღვანელობას.

არსებული ინფორმაციით, მადრიდის „რეალი“ კამას გაყიდვის წინააღმდეგი არ არის და მოლაპარაკებებზე თანახმაა.

თუ ედუს ფასი შარშან 100 მილიონი იყო, დღესდღეობით 70 მილიონი ევროს ირგვლივ მერყეობს.

ფრანგის მუდმივად ტრავმიანობამ და არასტაბილურობამ მის მიმართ ნდობა შეასუსტა.

ესპანური გამოცემების ცნობით, ნახევარმცველის მადრიდული მომავალი ბურუსით არის მოცული.