ალვარო არბელოას გუნდი აქტიურად ემზადება მოახლოებული მადრიდული დერბისათვის (კვირას, 23:59).

სავარჯიშო სესია ტრადიციულად სპორტულ დარბაზში დაიწყო, რის შემდეგაც ფეხბურთელებმა მწვანე მინდორზე გადაინაცვლეს და სხვადასხვა ტიპის „კვადრატები“ (rondo) შეასრულეს. მოგვიანებით, აქცენტი ბურთის ფლობაზე, ტაქტიკურ მონახაზებსა და სტრატეგიულ გათამაშებებზე გაკეთდა. წვრთნა დიდი ზომის მოედანზე ფეხბურთის თამაშით დასრულდა.

აღსანიშნავია, რომ სარეაბილიტაციო კურსს კვლავ ინდივიდუალურად გადიან სებალიოსი, კურტუა, მენდი, მილიტაო და როდრიგო.