„მანჩესტერ სიტისთან“ ჩემპიონთა ლიგის პირველ მერვედფინალურ შეხვედრაში განვითარებულ სცენარს, „რეალის“ ყველაზე ოპტიმისტი გულშემატკივრებიც რთულად თუ წარმოიდგენდნენ.

ფედერიკო ვალვერდეს ჰეთ-თრიქის წყალობით, სამეფო გუნდმა უდიდესი ნაბიჯი გადადგმა ყველაზე პრესტიჟული საკლუბო ტურნირის მომდევნო ეტაპისაკენ. სულ რაღაც ერთმა შეხვედრამ არბელოას შემადგენლობას საშუალება მისცა რადიკალურად შეეცვალა ჩ/ლიგის მოგების შანსები -  OPTA-ს სუპერკომპიუუტერზე დაყრდნობით, გათამაშების ფავორიტების ხუთეულში მოიაზრებიან. 

მიუხედავად იმისა, რომ „რეალმა“ კომფორტული უპირატესობა მოიპოვა, „ეტიჰედზე“ საქმე ბოლომდე არის მისაყვანი. ჰოლანდი და კომპანია ბოლომდე ეცდებიან, ვინისიუსისა და მისი თანაგუნდელებისათვის ევროპული საღამოს ჩამწარებას.

იგივე OPTA-ს პროგნოზით, 1/4 ფინალში „რეალის“ ასპარეზობის პროცენტი 83,80-ს შეადგენს, ხოლო „მანჩესტერ სიტის“ - 16.20.

შეგახსენებთ, რომ აღნიშნული წყვილის გამარჯვებული, „ბაიერნსა“ და „ატალანტას“ შორის საუკეთესოს შეხვდება (მიუნხელებმა 6-1 დაამარცხეს იტალიელები).

MARCA