ალვარო არბელოამ „სიტისთან“ დაპირისპირების წინ პრესკონფერენცია გამართა.

„მიუხედავად იმისა, რომ საშინაო არენაზე 3:0 გავიმარჯვეთ, ჩვენ აქ კვლავ მოსაგებად ჩამოვედით. „რეალი“ არ აპირებს დაცვაში ჩაჯდომას და ანგარიშის შენარჩუნებაზე ფიქრს. ჩვენი მიზანი სწრაფი, კომფაქტური და კარგ შედეგზე ორიენტირებული ფეხბურთის ჩვენება იქნება.“

„„რეალი“ მბაპეს გარეშე უკეთესია? ალბათ გამიჭირდება იმის თქმა, რომ ჩემი გუნდი მსოფლიოს საუკეთესო ფეხბურთელის გარეშე უფრო ეფექტურად თამაშობს.“

„კილიანის ხარისხი ყოველთვის ყველას აღაფრთოვანებს, ის ძალიან მაღალ კლასს ფლობს და უდიდესი საშემსრულებლო ოსტატობა აქვს.“

„ჩვენგ გვყავს ფედე, ვინისიუსი და სხვები. ასევე გვყავს ახალგაზრდა და ძალიან იმედისმომცემი ფეხბურთელები, მათში კარგად ზის მადრიდიზმი და გვჯერა, რომ ერთად ბევრს მივაღწევთ.“

„ერთადერთი  რაზეც ვფიქრობ, ამ სეზონის წარმატებით დასრულებაა. მერწმუნეთ, ახლა ჩემს  თანამდებობაზეე არანაირი აზრები არ მაქვს და ეს სრულიად ბუნებრივია.“

„გამიკვირდა თუ არა გვარდიოლას გადაწყვეტილება ფინალური ვარჯიშის არჩატარებასთან დაკავშირებით? რა თქმა უნდა, არ გამიკვირდა, ის ძალიან დიდ გამოცდილებას ფლობს და იცის, რასაც აკეთებს. როგორც ვიცი, პეპი სამწვრთნელო დონეზე მე-1000 დაპირისპირებას უახლოვდება და ამით ყველაფერი ნათქვამია. ასევე ვიცი, რომ ესპანელს ფინალური ვარჯიში ადრეც გაუუქმებია.“

„მე ვფიქრობ, რომ და ალბათ ამბიციური არ იქნება თუ ვიტყვი, რომ „სიტი“ ჩემპიონთა ლიგაზე ერთ-ერთი ყველაზე რთულად დასამარცხებელი გუნდია. თუ ჩვენ გვარდიოლას ბარიერს გავივლით, ჩემპიონთა ლიგის უმთავრესი ფავორიტებიც ვიქნებით. ჩვენ გვჯერა გზის, რომელსაც გავდივართ.“