არდა გიულერმა „ელჩესთან“ მატჩის შემდეგ კომენტარი გააკეთა.

„ძალიან ბედნიერი ვარ, ფანტასტიკური გოლის გატანა შევძელი. დავინახე, რომ „ელჩეს“ მეკარე არასახარბიელო პოზიციაში იყო და მაშინვე გავუშვი ბურთი კარის მიმართულებით.“

„„სიტისთან“ მატჩმა უდიდესი ენერგია წაიღო, ცოტა დაღლილები ვიყავით, მაგრამ ვიცოდით, რომ „ელჩესთან“ 3 ქულა უნდა მოგვეპოვებინა. საბედნიეროდ, გუნდმა მაღალი ხარისხი აჩვენა.“

„არბელოას ჩემთან მრავალმხრივი დავალებები აქვს, როცა ჩვენს ნახევარზე ვართ, მეტი მოძრაობა მიწევს სივრცეების გასათავისუფლებლად და ბურთის გასანაწილებლად, ხოლო დამაგვირგვინებელ ფაზაში ყოფნის დროს სულ სხვა დავალებები მაქვს. ესპანელი ბევრს მესაუბრება.“

„„სიტისთან“ მატჩი? მოედანზე უნდა გავიდეთ და შევუტიოთ, ეს იქნება საუკეთესო გადაწყვეტილება და წარმატებული გზა 1/4 ფინალისკენ.“