ბრაჰიმ დიასმა „ელჩესთან“ გამარჯვების შემდეგ ჟურნალისტებთან ისაუბრა.

„მსოფლიოს საუკეთესო კლუბში 150 დაპირისპირების გამართვა ნამდვილად საამაყოა. ისტორიის წერა გრძელდება და მჯერა, რომ კიდევ უფრო შთამბეჭდავი სტატისტიკა მექნება.“

„მადლობელი ვარ, რომ ქომაგებმა მხარი მხურვალედ დაგვიჭირეს. ყველაფერი გავაკეთეთ გასამარჯვებლად. თავდადება გვქონდა, რაც ასეთ სტილის შეხვედრებში აუცილებელია.“

„გიულერმა საოცარი გოლი გაიტანა და ქომაგები აღაფრთოვანა. ასეთი რამ იშვიათად ხდება ხოლმე.“

„არბელოა ხშირად მთხოვს, რომ ბურთი დავიჭირო, ხაზებს შორის ვიმოძრაო, თავისუფალი სივრცეები ვეძებო და გამოვიყენო ის თვისებები, რასაც ვფლობ.“

„„სიტი“? დარწმუნებულები ვართ, რომ ურთულესი მატჩი გველის. ბერნაბეუზე კომფორტული სხვაობა დავაფიქსირეთ, მაგრამ წინ კიდევ დიდი ბრძოლაა.“

„ვალვერდე? ჩემთვის დიდი პატივია ურუგვაელთან ერთად მოედანზე გასვლა. ის კარგად გამოხატავს, რას ნიშნავს იყო „რეალის“ სიმბოლო.“