ალვარო არბელოამ „ელჩესთან“ მატჩის წინ პრესკონფერენცია გამართა.

„ემოციურად გადატვირთულები ვართ. „სიტისთან“ მატჩმა დიდი ენერგია წაიღო, მაგრამ ვიაზრებთ, რომ „ელჩესთან“ შეხვედრას უდიდესი მნიშვნელობა აქვს და აუცილებლად უნდა მოვიპოვოთ 3 ქულა.“

„მბაპე კვლავ არ გვეყოლება, თუმცა ვიმედოვნებთ, რომ მანჩესტერში გუნდის დახმარებას შეძლებს. ეს ისევ ექიმებზე იქნება დამოკიდებული.“

„კურტუა თუ კასილასი? ჩემთვის დიდი სიამაყე იყო, ორივე ფეხბურთელთან შეხება. იკერმა დიდი ეპოქა შექმნა და დაუვიწყარია მომენტები, რომელიც მან სამეფო კლუბის გულშემატკივრებს აჩუქა. ტიბო? ვფიქრობ, კურტუა „რეალის“ ისტორიის საუკეთესო კარის დარაჯია.“

„ახლა დრო მბაპეზე მუშაობს. ფრანგი ყოველდღიურად უფროდაუფრო ხელმისაწვდომი ხდება.“

„როტაცია? ვეცდები, მოედანზე ის თერთმეტეული გავიყვანო, რომელიც ყველაზე ენერგიული და პროდუქტიული იქნება.“

„არსებობს ხარისხი, ტაქტიკა, მენტალიტეტი და მიდგომა. ყველაზე მთავარი დაფარული კილომეტრები არ არის, მაგრამ იმაზეც უნდა შევთანხმდეთ, რომ თანამედროვე ფეხბურთში ინტენსივობას და სისწრაფეს უდიდესი მნიშვნელობა აქვს. ფეხბურთელებს ყოველთვის ვეუბნები, რომ რაც შეიძლება მეტი იმოძრავონ.“

„ანტონიო პინტუსი მაღალი დონის პროფესიონალია. ის, რასაც იტალიელი აკეთებს, აუცილებლად უნდა დავაფასოთ, მას მასშტაბური შრომა აქვს ჩადებული ფეხბურთელების ფიზიკურ კონდიციებში.“

„შეძლებს თუ არა მბაპე მანჩესტერში გამგზავრებას კვირას გვეცოდინება. როგორც გითხარით, ფრანგს ექიმები მუდმივად აკვირდებიან.“

„„ელჩეს“ არ ექნება ის სისწრაფე და ინტენსივობა, რაც „სიტის“ ჰქონდა, მაგრამ ეს გუნდი დაბალ ბლოკში გაცილებით მეტი რესურსით ითამაშებს. მსგავსი სტილის გუნდების წინააღმდეგ ასპარეზობა მარტივი არასდროს არის, მაგრამ ჩვენ მზად ვართ საუკეთესო ფეხბურთის საჩვენებლად, რამაც 3 ქულა უნდა მოგვიტანოს.“

„ჩემპიონთა ლიგა და ლა ლიგა ერთმანეთისგან თვისობრივად განსხვავდება. ასევე განსხვავებულია მიდგომებიც.“

„ვინისიუსი ძალიან კარგ ფორმაშია. ნუ დაივიწყებთ, რამდენი ხიფათი მოყვა ბრაზილიელის მანევრებს „სიტისთან“ დაპირისპირებაში.“

„გონსალო? ის კარგად ვარჯიშობს. არ არის გამორიცხული, ესპანელმა „ელჩესთან“ შეხვედრა სასტარტო შემადგენლობიდან დაიწყოს. ამ ეტაპზე ფორმირების პროცესში ვარ.“