მაურისიო პოჩეტინო ესპანეთის დედაქალაქში იმყოფება, რასაც ის ფოტოებიც მოწმობს, რომელიც სხვადასხვა სპორტულ გამოცემაში ვრცელდება.

მადრიდული გამოცემის ცნობით, მაურისიოს სამეფო კლუბის გენერალურ დირექტორთან ჰქონდა შეხვედრა, სადაც სამომავლო გეგმები განიხილეს.

შეთანხმება მიღწეული არ არის, მაგრამ ფაქტია, რომ „მერენგების“ ხელმძღვანელობას ინტერესი აქვს.

თავის მხრივ, პოჩეტინოს ერთ-ერთმა ჟურნალისტმა „რეალზე“ ჰკითხა, სადაც მან უპასუხა, რომ ყველაფერს აქვს თავისი დრო, ახლა კი ამაზე საუბრის დრო არ არის.