ალვარო არბელოამ მანჩესტერ „სიტისთან“ დაპირისპირების წინ პრესკონფერენცია გამართა.

„ჩვენ მადრიდის „რეალი“ ვართ და ვერავინ იტყვის, რომ ამ გუნდის წინააღმდეგ ბერნაბეუზე რომელიმე მოწინააღმდეგე ფავორიტია. კარგად ვაცნობიერებთ, რამხელა დანაკლისი გაქვს, მაგრამ ეს არ იქნება გადამწყვეტი. აუცილებლად ვეცდებით, რომ ვიდგეთ მოწოდების სიმაღლეზე და უმაღლესი კლასის ფეხბურთი ვაჩვენოთ ქომაგებს.“

„ჩემპიონთა ლიგა ყველასთვის მნიშვნელოვანი ტურნირია. რა თქმა უნდა, 1/8 ფინალიდან გამოთიშვა არც „რეალს“ სურს და არც გვარდიოლას კოლექტივს.“

„ედუარდო კამავინგა სათამაშოდ მზად არის, მას სტომატოლოგიური ჩარევა სჭირდებოდა, რის გამოც, ვერ ახერხებდა სრული დატვირთვით ვარჯიშს, თუმცა ხვალისთვის მზადაა.“

„მბაპე არ გვეყოლება. ეს ძალიან დიდი დანაკლისია, თუმცა ამ ეტაპისთვის, ექიმები ფრანგ ფეხბურთელს მოედანზე გასვლის რეკომენდაციას არ აძლევენ.“

„ვიგოში გაკეთებული განცხადებები? ჟურნალისტებს უამრავი ინტერპრეტაცია ჰქონდათ, თუმცა მე მხოლოდ ის ვთქვი, რომ ყველას მადლობას ვუხდიდი, ვინც ძალისხმევა გაიღო „ბალაიდოსზე“ გამარჯვებისთვის.“

„თუ 100%-ით არ დავიხარჯებით და მოედნის ყველა წერტილში ბოლომდე არ ვიბრძოლებთ, გამარჯვებაში ფიქრი სისულელეა. ამ რესურსით მხოლოდ იდეალური სიზუსტით თამაშია საჭირო.“

„პეპი ძალიან ჭკვიანი ტაქტიკოსია. ჩვენ არ ვამუშავებთ კონკრეტულ ვარიაცებს, რადგან ვიცით, რომ მანჩესტერ „სიტის“ ძალიან დიდი რესურსი აქვს.“

„გუტის კრიტიკული განცხადებები? მე პატივს ვცემ ადამიანს, რომელსაც „რეალისთვის“ ბევრი აქვს გაკეთებული, თუმცა ახლა შეფასებების შეფასებას არ ვაპირებ.“

„იქნება თუ არა ფრე მისაღები შედეგი? „ბლანკოსის“ მიზანი მატჩის მოგებაა, ეს ჩვენ დიდ მუხტს მოგვცემს მანჩესტერში ვიზიტის წინ.“

„გუნდი მაქსიმალურად ფოკუსირებულია. ჩვენ არ გამოვყოფთ ფეხბურთელებს, რომლებმაც წინააღმდეგობა უნდა გაუწიონ ჰალანდს, ფოდენს, თუ სხვებს. კოლექტიურად უნდა გავიმარჯვოთ, ამისთვის კი ბოძებული მომენტების მაქსიმალური გამოყენება და სიზუსტეზე თამაში გვმართებს.“

„ვინისიუსის როლი რა თქმა უნდა, გაზრდილი იქნება. ამდენი ტრავმირებული ვარსკვლავების ფონზე, ბრაზილიელმა ყველაფერი საკუთარ თავზე უნდა აიღოს.“

„აკადემიის მოთამაშეებს დიდი პერსპექტივა აქვთ. არ მინდა კონკრეტული გვარები გამოვყო, თუმცა „ბალაიდოსზე“ ყველამ იხილა, რამხელა რესურსი დევს სამეფო კლუბის ახალგაზრდობაში.“