მადრიდის „რეალი“ ახალი მწვრთნელის ძიებაშია. ფლორენტინო პერესის უმთავრესი კანდიდატი იურგენ კლოპია, თუმცა კლუბი ალტერნატიულ ვარიანტებსაც განიხილავს.

მასიმილიანო ალეგრის შესახებ არაერთი ინფორმაცია ითქვა და დაიწერა, ახლა კი „რეალის“ რადარზეა მაურისიო პოჩეტინოც გამოჩნდა. პოჩე „ბლანკოსს“ აქამდეც აინტერესებდა, მაგრამ შეთანხმება ვერცერთ შემთხვევაში ვერ მოხდა.

ესპანური გამოცემების ცნობით, მაურისიოს „რეალის“ ჩაბარება ძალიან სურს და მოვლენების განვითარებას აკვირდება.

ESPN-ის ცნობით, მადრიდული გრანდი სიჩქარეს არ აპირებს, მაგრამ მაურისიოს უდასტურებს, რომ მის მიმართ ინტერესი არსებობს.