მადრიდის „რეალის“ ფეხბურთელები ჩემპიონთა ლიგის 1/8 ფინალის პირველი დაპირისპირებისთვის მზადებას განაგრძობენ.

გუნდი ბაზაზე შეიკრიბა და კიდევ ერთი ვარჯიში გამართა, რომელსაც რამდენიმე კანტერანოც ესწრებოდა.

ტრავმირებული ფეხბურთელების გამო, ალვარო არბელოას რესურსი გაცილებით მწირია.

„ბლანკოსმა“ სესიაზე დიდი ყურადღება დაუთმო სწრაფ შეტევებს, მოკლე სივრცეში ზუსტ თამაშს, პრესინგს და კარში დარტყმებს.

ანტონიო რუდიგერმა სატრენაჟორო დარბაზში ივარჯიშა, თუმცა მას დაზიანება არ აქვს და ორშაბათიდან გუნდს შეუერთდება.

შეგახსენებთ, „რეალი“ პეპ გვარდიოლას „სიტის“ ოთხშაბათს უმასპინძლებს.