მანჩესტერ „სიტის“ შეტევის ფლანგები განსაკუთრებული ყურადღების ღირსია, სწორედ ამიტომ, ალვარო არბელოა დაცვაში არსებული რესურსის ეფექტურ ათვისებას გეგმავს.

ჯერ არავინ იცის, მარჯვენა ფლანგზე ტრენტ ალექსანდერ არნოლდს ვიხილავთ, თუ დანი კარვახალს, თუმცა ფაქტია, რომ ნებისმიერ შემთხვევაში უკანა ხაზს დაეხმარება ფედერიკო ვალვერდე.

ურუგვაელს ყველაზე მეტი მოძრაობა დაევალება იმისთვის, რომ მთელი მარჯვენა ფლანგი გააკონტროლოს.

დაცვითი ფუნქციების შესრულების დროს ფედე მარჯვენა მცველს უნდა დაეხმაროს და ბურთის ამოტანის დროს მაქსიმალურად სწრაფად გადაადგილდეს.

ფედეზე არბელოა დიდ იმედებს ამყარებს და მიიჩნევს, რომ მისი ფიზიკური კონდიცია დოკუს და სხვა მოწინააღმდეგეების შეჩერებისთვის იდეალური გამოსავალი იქნება.

სამეფო კლუბს ვარჯიშები დახურული აქვს და არცერთ კომპონენტს არ ასაჯაროებს, რაც კიდევ ერთხელ მიუთითებს იმაზე, რომ „სიტისთან“ მატჩისთვის განსაკუთრებული მზადება მიმდინარეობს.