გუნდი ვიგოდან მადრიდში გვიან ღამით დაბრუნდა, „სიტისთან“ დაპირისპირებისთვის მზადება კი დღეიდან იწყება.

ალვარო არბელოამ ესპანეთის დროით 11:00 საათზე სესია ჩანიშნა, რომელსაც რამდენიმე კანტერანოც დაესწრება.

პეპ გვარდიოლას გუნდის მიღებამდე „რეალი“ 4 სრულფასოვან ვარჯიშს გამართავს.

დღევანდელი სესია აღდგენას მიეძღვნება, ხვალიდან კი სრული დატვირთვით მზადება დაიწყება.