ალვარო არბელოამ „სელტასთან“ მატჩის წინ პრესკონფერენცია გამართა.

„ჩვენ ვიცით, რომ „ბალაიდოსზე“ მარტივი გასეირნება არ გველის, სწორედ ამიტომ, მაქსიმალური ყურადღებით და კონცენტრაციით ვითამაშებთ. „რეალს“ 3 ქულა სჭირდება და გამარჯვება უნდა მოვიპოვოთ.“

„მბაპე სათამაშოდ მზად არ არის. ფრანგ ფეხბურთელთან ყოველდღიური კომუნიკაცია მაქვს, ყოველდღიურად ველოდებით გაუმჯობესებულ დინამიკას და გვსურს, რომ ის მალე ვიხილოთ საქმეში.“

„რა მოხდება თუ წავაგებთ? ამაზე არ ვფიქრობ, რადგან მოვიგებთ.“

„მიუხედავად იმისა, რომ ლა ლიგის გასულ 2 ტურში ლიდერობა და 6 ქულა დავკარგეთ, ჩემი ოპტიმიზმი კვლავ ძალაშია. „რეალი“ იბრძოლებს, როგორც ლა ლიგის, ასევე ჩემპიონთა ლიგის მოსაგებად.“

„ყველაფერი მომდევნო ტურებზე, ჩვენი შესაძლებლობების გაძლიერებასა და გამოვლენაზე იქნება დამოკიდებული. ფეხბურთელებმა გაანალიზეს, რა ხდება მათ თავს, სწორედ ამიტომ, ნამდვილად მაქვს ოპტიმიზმის საფუძველი.“

„მე მაქვს საკმარისი კომპეტენცია, სწორედ ამიტომ ავიღე პასუხისმგებლობა და ჩავიბარე მთავარი გუნდი. არ ვიცი, რას გადაწყვეტს ხელმძღვანელობა სეზონის ბოლოს. ერთადერთი რაც მსურს, „რეალის“ წარმატებაა და ამისთვის ყოველდღიურ რეჟიმში ვმუშაობ.“

„დანაკლისი საკმაოდ დიდია, უნდა ვეცადოთ, რომ არსებული რესურსი სრულფასოვნად იქნას გამოყენებული.“

„ბელინგემი და მბაპე კლუბის სამედიცინო შტაბთან სრულფასოვან კოორდინაციაში არიან. ჩვენ არ გვსურს გარისკვა, გუნდი გააგრძელებს ამ მიმართულებით მუშაობას.“

„ჰაუსენის შეცდომები? მე მჯერა მისი მომავლის. ესპანელი ძალიან დიდ შესაძლებლობებს ფლობს და ვიცი, რომ შეუძლია სუპერ ძალად ქცევა.“

„მასტანტუონოს ემოციები? ისიც ახალგაზრდაა, მე მქონდა საუბარი არგენტინელთან. ფრანკოს შესაძლებლობებს პატივს ვცემთ, ის ძალიან ნიჭიერი და მონდომებულია.“

„რაულ ასენსიოზე ახლა ვერ ვისაუბრებ. ვნახოთ, რა იქნება ხვალ. ესპანელის მდგომარეობა გაცილებით უკეთესია.“