სამეფო კლუბის ფეხბურთელებმა აღდგენითი ვარჯიში გამართეს.

ალვარო არბელოამ გუნდი საწვრთნელ ბაზაზე შეკრიბა და „ბალაიდოსზე“ ვიზიტისთვის მზადება დაიწყო.

ფეხბურთელები, რომლებიც „ხეტაფესთან“ სასტარტო შემადგენლობაში იყვნენ, დღეს მხოლოდ აღდგენით დაკავდნენ, დანარჩენებმა კი სრულფასოვანი დატვირთვა მიიღეს.

ტრავმირებული ფეხბურთელები აღდგენით პროცესს აგრძელებენ. სამწუხაროდ, ლაზარეთშია როდრიგო გოეში, რომელმაც უმძიმესი ტრავმა მიიღო და მოედანს 10 თვით ჩამოშორდა.

ვარჯიშზე დიდი ყურადღება დაეთმო ტაქტიკურ მონახაზებს, კარში დარტყმებს, ბურთის ფლობას და მოკლე სივრცეში ზუსტ თამაშს.

შეგახსენებთ, „ბლანკოსი“ „სელტას“ პარასკევს ესტუმრება.