„ხეტაფესთან“ დაპირისპირების შემდეგ, მადრიდის „რეალის“ პრეზიდენტი ფეხბურთელებთან ჩავიდა.

არენაზე მძიმე ფონი იყო შექმნილი, ქომაგებმა მატჩის დასრულების შემდეგ გამაყრუებელი სტვენა წამოიწყეს და მოთამაშეები გასახდელში ამ ფონზე გაუშვეს.

ფლორენტინო პერესი გასახდელში ჩავიდა და ფეხბურთელებთან 20 წუთიანი საუბარი ჰქონდა.

არავინ იცის, კონკრეტულად რა საკითხებს შეეხო პრეზიდენტი, თუმცა რთულად გამოსაცნობი არ არის, რას განიხილავდნენ გუნდში.