კრიშტიანო რონალდუმ საფეხბურთო კლუბი „ალმერიას“ 25%-იანი წილი იყიდა.

ესპანური გამოცემების ცნობით, პორტუგალიელი ლეგენდა „ალმერიას“ განვითარებაში სერიოზული წვლილის შეტანას აპირებს, მას არაბი პარტნიორები ჰყავს, რომლებიც ასევე დაინტერესებულები არიან კლუბის აღმშენებლობით.

რონალდუს გეგმა მომდევნო 3 წლის განმავლობაში „ალმერიას“ ლა ლიგაში დაწინაურება და სტაბილური გუნდის სტატუსის შენარჩუნება იქნება, 5 წლიან პერსპექტივაში კი გუნდი ლა ლიგის ერთ-ერთი ანგარიშსგასაწევი ძალა უნდა გახდეს.

წინასწარი ინფორმაციით, კლუბში საშუალოვადიან პერსპექტივაში 400 მილიონიანი ინვესტიცია იგეგმება.