მადრიდის "რეალის" ფეხბურთელებს დღეს მოულოდნელად, სამეფო კლუბის ლეგენდა, ხოსე მარია გუტიერესი გამოეცხადათ, ესპანელი ფეხბურთელი "ვალდებებასის" საწვრთნელ ბაზაზე მივიდა და ეროვნულ ნაკრებში გამოუძახებელი ფეხბურთელები მოინახულა...

ეს ყველასთვის სიურპრიზი იყო. გუტის თქმით მან ისარგებლა სანაკრებო ბატალიებით და ესპანეთის დედაქალაქისკენ აიღო გეზი. მადრიდში ჩამოსვლის შემდეგ კი ძალიან მოუნდა ყოფილი თანაგუნდელების ნახვა. ხოსე მარიამ ასევე მოინახულა მთავარი მწვრთნელი ჟოზე მოურინიო.

ჟურნალისტებთან ინტერვიუს დროს კი მან განაცხადა, რომ ამჟამინდელი მდგომარეობით კმაყოფილია და თურქეთში ყველაფერი თავის ადგილზე დგას.