არბელოა:„ვინისიუსს ოქროს ბურთის მოგება შეუძლია“
„ბენფიკასთან“ მატჩის წინ ალვარო არბელოამ პრესკონფერენცია გამართა.
„მიუხედავად იმისა, რომ ლისაბონში სასურველი შედეგი დავაფიქსირეთ, წინ დიდი ბრძოლაა. ზუსტად ვიცი, რომ ჟოზე მოურინიოს გუნდი ბოლომდე დაიხარჯება, თუმცა ბერნაბეუზე ვთამაშობთ და დაწყებული საქმე ბოლომდე უნდა მივიყვანოთ.“
„ეს ჩემპიონთა ლიგის საღამოა, სადაც უყურადღებობა არ გვეპატიება. ყველაფერს გავაკეთებთ სასურველი შედეგის მისაღწევად.“
„„უეფას“ აქვს შესანიშნავი შესაძლებლობა, რომ ებრძოლოს რასიზმს. ეს ძალიან მნიშვნელოვანია. პრესტიანისთან დაკავშირებით აზრი არ შემიცვლია.“
„მოურინიოს განცხადებები? აზრი არ შემიცვლია. ვინისიუსმა საოცარი გოლი გაიტანა და ეფექტურად აღნიშნა, ეს არ იყო რასიზმის ფაქტების გამომწვევი ქმედება, ამაზე კამათიც არ შეიძლება.“
„გუნდი ყველაფერს გააკეთებს იმისთვის, რომ მოედანზე შეკრებილმა ქომაგებმა დიდი სიამოვნება მიიღონ. ამ მატჩის მოგება მომდევნო რაუნდსი გადასვლის საშუალებას გვაძლევს.“
„მას შემდეგ, რაც „რეალის“ მწვრთნელად დავინიშნე, ბევრს ვმუშაობ ვინისიუსის პროგრესზე. ბრაზილიელის შესაძლებლობებს საზღვარი არ აქვს და ზუსტად ვიცი, რომ ოქროს ბურთის მოგება შეუძლია.“
„კილიან ტკივილები კვლავ აწუხებდა, თუმცა ვარჯიშზე სრულად დაიტვირთა. მან სამედიცინო მონიტორინგი სჭირდება, დასკვნებს კი შემდეგ გამოვიტანთ.“
„ლაპორტა? არ არის ეს ჩემი კომპეტენცია. ნეგრეირას საქმე კი უკვე 3 წელია გადაუჭრელია.“
„ჟოზე სათადარიგო სკამზე არ იქნება, თუმცა დარწმუნებული ვარ, მან ლისაბონური გუნდი შესაბამისად მოამზადა. ტაქტიკურ სწორ თამაშს ველით.“
- 25 თებერვალი 2026
- 545
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
