ესპანური გამოცემების ცნობით, ზაფხულში კატალონიის „ბარსელონასა“ და მადრიდის „რეალს“ შორის სერიოზული ბრძოლა შედგება.

კატალონიელები დათმობას არ აპირებენ და თავის მხრივ, კომპრომისზე არც ფლორენტინო პერესი წავა. ორ გუნდს ერთი სამიზნე ჰყავს, ეს ფეხბურთელი კი ნიკო შლოტერბეკია.

არსებული ინფორმაციით, მადრიდული გრანდი ქმედითი ნაბიჯების გადადგმაზე გადავიდა და გუნდის გენერალური დირექტორი ნიკოს ოჯახს შეხვდა.

მადრიდელები გერმანელის ბერნაბეუზე ჩამოყვანაში უდიდეს პერსპექტივას ხედავენ და მიიჩნევენ, რომ ეს ტრანსფერი აუცილებლად უნდა შედგეს.

ამას ემატება „ბარსელონას“ ფაქტორიც. „ბლანკოსის“ ინტერესებში არ შედის, რომ კატალონიელებმა შლოტერბეკის დონის ცენტრალური მცველით გააძლიერონ გუნდი.

„მარკას“ ინფორმაციით, „რეალი“ ბორუსიასთან 50 მილიონიან გარიგებაზე საუბრობს.