რონსერო:„არბელოამ „რეალის“ პოტენციალი გალიაში ჩაკეტა“
ტომას რონსერომ „ოსასუნასთან“ მარცხის შემდეგ „რეალის“ მწვრთნელი გააკრიტიკა.
„ამდენი შეცდომების დაშვება წარმოუდგენელი იყო. ალვარო არბელოა იმისთვის დანიშნეს, რომ რესურსი აითვისოს, სანაცვლოდ კი რას ვხედავთ? მოედანზე საუკეთესო ვალვერდეს გაყვანას, სებალიოსის შემოყვანას, რომელიც მხოლოდ ბურთს აკავებდა.“
„ვინისიუსის გოლის შემდეგ გუნდს უნდა მოემატებინა, მაგრამ პირიქით. ნაპერწკალის სერიოზული დანაკლისი ვნახეთ, რაც ძალიან არასახარბიელოა.“
„ეს ქულების დაკარგვა არ არის, ეს მადრიდისტას შეურაცხყოფაა! რას ვუყურებდით 90 წუთის განმავლობაში? ალვარო არბელოა, რომელსაც ჩვენი თეთრი მაისურის ფასი უნდა სცოდნოდა, მოედანზე ჭადრაკის თამაშს ცდილობდა იქ, სადაც ომი იყო საჭირო. მან გუნდი რობოტებად აქცია. „ბლანოსი“ არ არის ციფრების და მშრალი ტაქტიკის კრებული, „რეალი“ არის გული, რომელიც დღეს პამპლონაში საერთოდ არ ფეთქავდა.“
„ალვარო ზედმეტად გაერთო თავისი იდეებით. ისე დააბნია მოთამაშეები პოზიციების მუდმივი ცვლილებით, რომ ბიჭებმა საკუთარი ჩრდილის დევნა დაიწყეს. ნახევარდაცვაში ვაკუუმი იყო, „ოსასუნა“ კი ამ სივრცეში ისე სეირნობდა, როგორც საკუთარ ეზოში. ესპანელმა გაანეიტრალა ჩვენი ყველაზე დიდი იარაღი, იმპროვიზაცია და თავისუფლება. გუნდს ჰქონდა სრულიად გაუგებარი ტაქტიკური მონახაზი, რომელიც ფაზების მიხედვით იცვლებოდა.“
„სკამზე მჯდომმა მწვრთნელმა მებრძოლი სული სადღაც დაკარგა. გუნდი იყო ინერტული, უსიცოცხლო. ჩვენ მიჩვეულები ვართ „რემონტადას“, ბოლო წუთამდე ბრძოლას და ოფლს. დღეს კი ვნახეთ გუნდი, რომელიც 70-ე წუთზე უკვე დანებებული იყო. ეს მწვრთნელის ბრალია. მან მუხტი კი არ აანთო, პირიქით, ცივი წყალი გადაასხა ყოველგვარ ემოციას.“
„ცალკე აღსანიშნავია ვიქტორ მუნიოსის თამაში. ის შესანიშნავი იყო და „რეალს“ დიდ პრობლემებს უქმნიდა. თუ კანტერანო ასე გააგრძელებს, აუცილებლად იპოვის ადგილს „რეალში“.“
- დღეს, 13:34
- 89
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
