ნიკო შლოტერბეკის მიმართ ინტერესი იზრდება. გერმანელ ფეხბურთელზე პრეტენზიას „რეალთან“ ერთად პრემიერლიგის გრანდებიც აცხადებენ, მაგრამ ახლა საქმეში კატალონიის „ბარსელონაც“ ჩაერთო. ჰანსი ფლიკი პირადი კონტაქტების დახმარებით ცდილობს, „ბორუსიას“ დაყოლიებას და ფეხბურთელის გაფორმებას.

„ბილდ“-ის ინფორმაციით, დორტმუნელები შლოტერბეკს  50 მილიონ ევროდ შეელევიან, „ბარსელონა“ კი 5 წლიან ხელშეკრულებას ამზადებს.

ამის პარალელურად, გერმანელი მცველისთვის იბრძვის ფლორენტინო პერესი, რომელმაც საქმეში „ბლანკოსის“ გენერალური დირექტორი და მთავარი ფიგურა - ხუნი კალაფატი ჩართო.

მადრიდში მიაჩნიათ, რომ ნიკოს ძალიან კარგი პოზიციური თამაში და ფიზიკური კონდიციები, იდეალურად ჯდება „რეალის“ სისტემაში, თუმცა კონკურენციაც იზრდება.