მადრიდის „რეალის“ ოფიციალურმა ვებ-გვერდმა ოფიციალური განცხადება გაავრცელა.

საფეხბურთო კლუბი მადრიდის „რეალი“ აცხადებს, რომ „უეფას“ მიაწოდა ყველა მტკიცებულება იმ ინციდენტთან დაკავშირებით, რომელიც „ბენფიკას“ და „ბლანკოსის“ დაპირისპირებაში დაფიქსირდა.

კლუბი აქტიურად თანამშრომლობს „უეფასთან“ დაწყებული გამოძიების ფარგლებში, რომელიც რასისტულ ფაქტებს ეხება.

ასევე, სამეფო კლუბი მადლობას უხდის ყველა ადამიანს და ორგანიზაციას, ვინც მკაცრად დაგმო მომხდარი ფაქტი.

გუნდი გააგრძელებს მუშაობას, ყველა ინსტიტუტთან თანამშრომლობით, სპორტსა და საზოგადოებაში რასიზმის, ძალადობისა და სიძულვილის აღმოსაფხვრელად.