მანჩესტერ „სიტიში“ სიტუაცია საკმაოდ ცვალებადია. პეპ გვარდიოლას გუნდიდან წასვლის შანსი საკმაოდ დიდია, რაც დამატებით პრობლემებს ქმნის.

საქმე იმაშია, რომ პეპის წასვლის შემთხვევაში, გუნდს ერლინ ჰალანდიც დატოვებს. არაერთი გამოცემის ცნობით, ნორვეგიელი ღიად ამბობს, რომ მისი მანჩესტერული კარიერა სწორედ იქ დასრულდება, სადაც გუნდში მწვრთნელი შეიცვლება.

ამ ყველაფერს ემატება კონტრაქტის მნიშვნელოვანი დეტალი, რომლის მიხედვითაც, 2026 წლის ზაფხულიდან ერლინგს სხვა გუნდთან მოლაპარაკების უფლება ექნება, თუმცა მანჩესტერული გუნდი მსურველი კლუბისგან 200 მილიონ ევროს მიიღებს.

ეს რეალობა მადრიდში ძალიან კარგად იციან და გვარდიოლას მომავალს გამადიდებელი შუშით უყურებენ.

თუ ესპანელი სპეციალისტი პრემიერლიგას დატოვებს, ფლორენტინო პერესი „სიტის“ 200 მილიონიანი წინადადებით მიმართავს და ჰალანდის დამატებას შეეცდება.