ალვარო არბელოამ „ბენფიკასთან“ მატჩის შემდეგ პრესკონფერენცია გამართა.

„ჰკითხეთ „ბენფიკას“ ფეხბურთელს რა უთხრა ვინისიუს ჟუნიორს, თანაც არაერთხელ. მსგავსი ქმედებების მიმართ ნულოვანი ტელერანტობა არის ვალდებულება და არა უფლება.“

„არ შეგვიძლია დავუშვათ, რომ მსგავსი რამ საფეხბურთო მოედნებზე 2026 წელს უნდა ხდებოდეს. არასდროს შემეპარება ეჭვი ვინის სიტყვებში, ის აბსოლუტურად გულწრფელი იყო და ტყუილად ნამდვილად ვერ გაღიზიანდებოდა.“

„გუნდი ერთიანია. ჩვენ ვკითხეთ ვინის, გააგრძელებდა თუ არა თამაშს. სხვა შემთხვევაში მოედანს დავტოვებდით.“

„ფანტასტიკურ გოლს მოჰყვა ზეიმი, იქ განსაკუთრებული არაფერი ყოფილა. ბრაზილიელს ძალიან გაეხარდა მეტოქის კარის აღება და სრულიად ნორმალურია, რომ აღნიშნა.“

„ეს თამაში კარგად გავაანალიზე და მივხვდი, რომ 3 კვირის წინანდელ გუნდთან შედარებით, კოლექტივს დიდი პროგრესი ჰქონდა ნაჩვენები. მიხარია, რომ როგორც ფიზიკურ, ასევე ტაქტიკურ დონეზე შესანიშნავი შთაბეჭდილება დავტოვეთ. გუნდს უხარია, როდესაც წინ მიიწევს. ნახევარი საქმე გაკეთდა, ახლა კი ყველაფერი ბერნაბეუზე უნდა გადაწყდეს.“

„წარმოუდგენლად ბედნიერი ვარ, რომ არდა გიულერი გუნდში მყავს. თურქის კრეატივი და პასის შესანიშნავი უნარი, წინახაზელს მეტ შესაძლებლობას აძლევს. არდა კიდევ მოუმატებს, მას დიდი პერსპექტივა აქვს და მივიჩნევ, რომ სულ მალე ტოპ ვარსკვლავის სტატუსი ექნება.“

„მომდევნო კვირის მატჩისთვის კარგად მოვემზადებით. ჩვენ პროფესიონალები ვართ და ვიცით, რომ მოურინიოს დონის მწვრთნელთან დაპირისპირება მარტივი არ არის.“