არბელოა:„ჩემპიონთა ლიგის მოგება მსურს“
ალვარო არბელოამ „ბენფიკასთან“ დაპირისპირების წინ პრესკონფერენცია გამართა.
„ჩვენ ვაცნობიერებთ, რამდენად ძლიერი მეტოქე გვყავს და რამდენად რთულია პორტუგალიაში თამაში. თუ საუკეთესო ვერსიას ვაჩვენებთ, „და ლუჟზე“ გავიმარჯვებთ და მეორე მატჩის წინ კომფორტულ მდგომარეობას შევიქმნით.“
„მე და მოურინიო კარგი მეგობრები ვართ და ერთმანეთთან შესანიშნავი ურთიერთობა გვაქვს.“
„მოურინიო „რეალში“? ამაზე საუბარი ახლა არ შემიძლია. ახლა ჩემი საზრუნავი სამეფო კლუბის მომდევნო ეტაპზე გაყვანაა.“
„შედეგი შრომისმოყვარეობით, მენტალიტეტით და მაღალი სტანდარტით მოდის. ფეხბურთელები გმირები არიან, სწორედ ისინი თამაშობენ მთავარ როლს წარმატებაში. მე ვფიქრობ, რომ ფეხბურთელობა მწვრთნელობაზე რთულია.“
„სტანდარტების დროს განსაკუთრებული სიფრთხილე გვმართებს, რადგან ლისაბონელები ამ მხრივ მოწოდების სიმაღლეზე დგანან. გვჭირდება დაბალანსებული ფეხბურთი და დაცვაში ყურადღებით თამაში. მაქსიმალური კონცენტრაციის გარეშე წარმატებაზე ფიქრიც ზედმეტია.“
„ჩვენი მიზანი ჩემპიონთა ლიგის მოგებაა, ამისთვის კი პირველ რიგში „ბენფიკას“ ბარიერი უნდა დავძლიოთ.“
„ფეხბურთელებთან პირველივე დღიდან შესანიშნავი ურთიერთობა მაქვს, მათ ძალიან კარგად მიმიღეს. ყოველთვის ვფიქრობდი, რომ იდილია გასახდელში, წარმატების საწინდარია.“
„არ ვიცი, რა შემადგენლობას აირჩევს ჟოზე, მაგრამ ვიცი, რომ ის დიდ ყურადღებას დაუთმობს მოკლე სივრცეში ზუსტ თამასს და ინტენსივობას, ის შესანიშნავი ტაქტიკოსია და იდეალურ გამოსავალს მოძებნის.“
„თუ სოლიდური და კომფაქტური არ ხარ, საოცარ შედეგებზე ფიქრი რთულია, ჩვენ ყველაფერი უნდა გავაკეთოთ იდეალური ფეხბურთის სათამაშოდ. ჩემი აზრით, ახლანდელი „რეალი“ რესურსის მხრივ უფრო ძლიერია, ვიდრე 20 დღის წინანდადელი. რამდენიმე მნიშვნელოვანი ფეხბურთელი დაგვიბრუნდა, ეს კი ბევრ რამეს ცვლის.“
„როდესაც მოურინიო ბერნაბეუზე დაბრუნდება, მას მადრიდული პუბლიკა ოვაციებით შეამკობს, ამის ღრმად მწამს.“
„ითამაშებს თუ არა მბაპე? გადაწყვეტილებას დღევანდელი ვარჯიშის შემდეგ მივიღებ.“
- 16 თებერვალი 2026
- 1 345
- 43
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
