მოურინიო:„ურთულესი მისია გვაქვს, „რეალი“ ახლა გაბრაზებულია“
ჟოზე მოურინიომ „რეალთან“ მატჩის წინ პრესკონფერენცია გამართა.
„მე ყოველთვის ვიქნები მადრიდისტა. ამ გუნდს ყოველთვის დიდ წარმატებას ვუსურვებ, მაგრამ ახლა „ბენფიკას“ სათავეში ვარ და ყველაფერს გავაკეთებ მომდევნო ეტაპზე გასასვლელად.“
„ვიცი, რამდენად დიდი გამოწვევაა „ბლანკოსის“ წინააღმდეგ თამაში, თანაც მაშინ, როდესაც გუნდი 1/8 ფინალში პირდაპირ ჩვენს გამო ვერ გავიდა.“
„ეჭვი არ მეპარება, მადრიდული გრანდი შურისძიებას შეეცდება და ჩვენ სირთულეებისთვის მზად უნდა ვიყოთ.“
„ალვარო არბელოას წარმატებას ვუსურვებ, ის ძალიან ბევრს შრომობს და იმედი მაქვს, ლა ლიგის მოგებას შეძლებს.“
„მე მაქვს ისტორია „რეალთან“ ერთად, მაგრამ სანუკვარი ოცნება ვერ ავიხდინე და ფინალში ვერ გავედი. 1/2 ფინალი სამივე სეზონში ჩემი მაქსიმუმი იყო.“
„ფლორენტინო პერესთან ყოველთვის კარგი ურთიერთობა მქონდა, მაგრამ ჭორები იმის შესახებ, რომ „რეალში“ კიდევ მომეცემა მუშაობის საშუალება, სიმართლეს არ შეესაბამება.“
„ქომაგების დიდ მხარდაჭერას ველით. ვიცით, რომ საშინაო არენაზე გამარჯვება გვმართებს.“
„თუ მომდევნო ეტაპზე გასვლა გვსურს, იმაზე 2-ჯერ უფრო კარგად უნდა ვითამაშოთ, როგორც მადრიდელებთან ბოლო შეხვედრაში გავაკეთეთ. ახლა „რეალი“ უფრო მშიერი და გაბრაზებულია.“
- 16 თებერვალი 2026
- 1 322
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
