ტიბო კურტუასთვის „სოსიედადთან“ დაპირისპირება საიუბილეო გამოდგა. ბელგიელმა კიპერმა 150-ე გამარჯვებას მიაღწია.

ლა ლიგაში აღნიშნული შედეგის დასაფიქსირებლად ტიბოს 224 მატჩი დასჭირდა.

გუნდები, რომლებსაც კურტუა ყველაზე ხშირად ამარცხებდა „სევილია“ და „სელტა“ არიან. კურტუას ანგარიშზე აღნიშნული გუნდების წინააღმდეგ 10-10 მოგებაა.

2020, 2022 და 2024 წლებში კურტუამ ლა ლიგის მოგება შეძლო.

ფლორენტინო პერესმა „სოსიედადთან“ მატჩის შემდეგ ტიბოს სპეციალური მაისური აჩუქა.