ფედერიკო ვალვერდემ „სოსიედადის“ დამარცხების შემდეგ ჟურნალისტებთან ისაუბრა.

„სანახაობრივი და მომენტებით დახუნძლული შეხვედრა იყო. ვფიქრობ, ყველაფერი კარგად გავაკეთეთ, როგორც დაცვაში, ასევე შეტევით ფაზაში და გაცილებით მეტი გოლის გატანაც შეგვეძლო. მთავარი ის არის, რომ საკმაოდ სოლიდური მეტოქე დავამარცხეთ და 3 ქულა ჩავიწერეთ აქტივში.“

„„სოსიედადს“ უყვარს კომფაქტური თამაში და ბურთის ფლობა, ეს კი ჩვენ კარგად ვიცოდით.  მეტოქეს საკუთარი ფეხბურთის ჩვენების საშუალება არ მივეცით და სრული დომინაცია გვქონდა.“

„ეფექტური გოლი გამომივიდა და კმაყოფილი ვარ, თუმცა ჩემთვის ყოველთვის გუნდური სულისკვეთებაა მთავარი.“