ალვარო არბელოამ „სოსიედადთან“ დაპირისპირების წინ პრესკონფერენცია გამართა.

„მას შემდეგ, რაც „სოსიედადმა“ საკადრო ცვლილებები განახორციელა, თამაშის ხარისხი კიდევ უფრო გააუმჯობესა. ამ გუნდმა საოცარი შთაბეჭდილება დატოვა „ბარსელონას“ და „ატლეტიკოს“ წინააღმდეგ. დარწმუნებული ვარ, რთული ბრძოლა გველის, მაგრამ ჩვენ საშინაო არენაზე გამოვდივართ და ვალდებულები ვართ, 3 ქულა ჩავიწეროთ აქტივში.“

„კილიან მბაპე სათამაშოდ მზად არის. მას მუხლზე დისკომფორტი ჰქონდა, მაგრამ დღევანდელ სესიაზე სრულფასოვნად დაიტვირთა.“

„„უეფასთან“ შეთანხმება? ვერაფერს დავამატებ. ეს ერთობლივი პოზიციაა.“

„გუნდში ყველა ფეხბურთელმა უნდა იგრძნოს საკუთარი მნიშვნელობა. აუცილებლად უნდა გავუსვა ხაზი, რომ 25 ფეხბურთელიდან ყველას აქვს სასტარტო შემადგენლობაში მოხვედრის საშუალება. გუნდი მოტივირებულია და პროგრესს განიცდის.“

„გუნდში ყოველთვის რჩება ადგილი გაუმჯობესებისთვის. ეს ძალიან მნიშვნელოვანია. 1 თვეზე მეტია სამეფო კლუბში ვარ და ყოველდღიურად ვცდილობ, ვიპოვო სივრცეები მეტი ეფექტურობის მისაღწევად.“

„დარწმუნებული ვარ, დანი კარვახალი მალე შეძლებს 90 წუთიანი დატვირთვის მიღებას. ჩვენ ხშირად ვსაუბრობთ. ზოგადად, ძალიან მომწონს ფეხბურთელებთან კომუნიკაცია და მივიჩნევ, რომ ეს აუცილებელია.“

„ვცდილობ ისეთი მწვრთნელი ვიყო, როგორიც ფეხბურთელობის დროს მომწონდა. ჩემთვის კომუნიკაბელურობას ყოველთვის განსაკუთრებული მნიშვნელობა ჰქონდა.“

„გუნდური ვახშამი? ეს ფეხბურთელების გადაწყვეტილება იყო, რამაც ძალიან გამახარა. ერთიანი სულისკვეთება ყოველთვის არის წარმატების საწინდარი.“

„„ბარსელონას“ 4-0 მარცხი? მე ვერაფერს გეტყვით, ჰანსი ფლიკს ჰკითხეთ.“

„ჰაუსენმა და რაულ ასენსიომ არაერთი დაპირისპირება ჩაატარეს დუეტში, მათი სახით საიმედო ცენტრალური მცველები გვყავს. მიხარია და მეიმედება, რომ ამხელა ტრავმიანობის პირობებში, ორივე ესპანელი მოწოდების სიმაღლეზე იდგა.“

„წარმოუდგენლად გამიმართლა, რომ მსოფლიოს საუკეთესო კლუბი ჩამაბარეს. „რეალის“ წარმატებისთვის ყველაფერს გავიღებ.“