ბრიტანულმა „ბორნმუთმა“ ალექს ხიმენესი გამოისყიდა და ახალი კონტრაქტი გაუფორმა, მადრიდის „რეალს“ კი ამ ტრანსფერის სანაცვლოდ სოლიდური სარგებელი ექნება.

ფლორენტინო პერესი ესპანელი ფეხბურთელის სანაცვლოდ 13 მილიონ ევროს მიიღებს.

ხიმენესის სატრანსფერო უფლებების გარკვეულ ნაწილს სამეფო კლუბი ფლობდა. ფაქტია, რომ საბოლოო ჯამში „ბლანკოსმა“ ის დათმო.

20 წლის მარჯვენა მცველის სატრანსფერო უფლებების წილის მფლობელი „მილანიც“ გახლდათ.

„ბლანკოსში“ კარვახალის წასვლის ირგვლივ ატეხილი აჟიოტაჟის მიუხედავად, ფსონს სხვა მარჯვენა მცველებზე დებენ, სწორედ ამიტომ გუნდმა ალექსი გაუშვა.