დღეს მადრიდის „რეალის“ მეკარეს, ანდრეი ლუნინს დაბადების დღე აქვს.

უკრაინელი კიპერი 27 წლის გახდა. უკვე წლებია ანდრეი „მერენგების“ სადარაჯოზე დგას და 11 მოგებულ ტიტულს მოითვლის.

ლუნინის დებიუტი „მერენგების“ რიგებში სამეფო თასზე, „ალკოიანოს“ წინააღმდეგ შედგა.

ანდრეის აქტივში „ბლანკოსის“ რიგებში 65 დაპირისპირებაა, ის ჩემპიონთა ლიგის ორ თასს ფლობს.

დაუვიწყარია ლუნინის გამოსვლა ევროსარბიელზე მაშინ, როდესაც ტიბო კურტუამ მძიმე ტრავმა მიიღო და მთელი სეზონის განმავლობაში სწორედ უკრაინელს უწევდა „რეალის“ ღირსების დაცვა.

ვულოცავთ ლუნინს და წარმატებებს ვუსურვებთ, როგორც კარიერაში, ასევე პირად ცხოვრებაში.