ახალგაზრდა კანტერანო დავიდ ხიმენესი წელს მთავარ გუნდშიც გამოჩნდა რამდენჯერმე, „მესტალიაზე“ კი ძირითად შემადგენლობაში ითამაშა და საკმაოდ სტაბილური ფეხბურთელის შთაბეჭდილება დატოვა.

„ას“-ის ინფორმაციით, სამეფო კლუბში კანტერანოზე დიდ იმედებს ამყარებენ და მიიჩნევენ, რომ სეზონის ბოლოს ხიმენესი იჯარით უნდა წავიდეს.

სათამაშო პრაქტიკა ახლა ყველაზე მნიშვნელოვანია, სწორედ ამიტომ, ფეხბურთელთან დაკავშირებით „რეალი“ რამდენიმე წინადადებას განიხილავს.

პერესი მიიჩნევს, რომ დავიდისთვის იდეალური გამოსავალი ლა ლიგაში დარჩენა იქნება, თუმცა კლუბი სხვა ჩემპიონატებიდანაც მოისმენს შემოთავაზებებს.

დავიდი 21 წლის არის, ის უკვე წლებია სხვადასხვა ასაკობრივ ჯგუფში თამაშობს. ხიმენესმა თავის დროზე ჩაბი ალონსოსთანაც იმუშავა, შემდეგ იყო არბელოა, რაული და სხვა სპეციალისტები.