ფაბიო კაპელომ იურგენ კლოპის „რეალის“ მთავარ მწვრთნელად დანიშვნასთან დაკავშირებით საკუთარი მოსაზრება გამოთქვა და განაცხადა, რომ ეს შეთანხმება საინტერესო იქნება.

„იურგენ კლოპის „რეალში“ შესაძლო დანიშვნა ფეხბურთის სამყაროში ნამდვილი მიწისძვრის ტოლფასი იქნებოდა. გერმანელი სპეციალისტის ფეხბურთი და მადრიდული გრანდის არისტოკრატული სული ერთი შეხედვით კონტრასტულია, თუმცა კლოპის ქარიზმა და ენერგია ზუსტად ის არის, რაც სანტიაგო ბერნაბეუს პუბლიკას აღაფრთოვანებს. მისი ფილოსოფია, რომელიც მაღალ პრესინგსა და შეტევაში ელვისებურ გადასვლებს ეფუძნება, „რეალს“ სრულიად ახალ განზომილებას შესძენდა.“

„კლოპის მოსვლის შემთხვევაში, უპირველესი ამოცანა დაცვის ცენტრის ფუნდამენტური გაძლიერება იქნება. იმის გათვალისწინებით, რომ გუნდს ხშირად აწუხებს ტრავმები და სტაბილურობის დეფიციტი, იურგენმა შესაძლოა ისეთი მოთამაშეებისკენ გაიხედოს, როგორებიც ილიამ სალიბა, კონატე ან ალესანდრო ბასტონი არიან. მისი მიზანია დაცვის ხაზი არამხოლოდ საიმედო, არამედ მაღალი ტემპის ამტანი გახადოს, რათა მცველებმა შეძლონ მაღალ ხაზზე თამაში და მეტოქის იერიშების ჩანასახშივე ჩახშობა.“

„ნახევარდაცვაში გერმანელი სპეციალისტისთვის პრიორიტეტული კრეატივისა და ინტენსივობის ბალანსი იქნება. მიუხედავად იმისა, რომ მადრიდს ჰყავს ტალანტები, გერმანელი მწვრთნელი მოითხოვს ტიპიურ „8“-იანს რომელსაც თამაშის ორგანიზებასთან ერთად გოლის გატანის ალღოც აქვს. ამ როლში იდეალურად ჯდებაან ენცო, მაკ ალისტერი, ნიკოლო ბარელა და კიდევ არაერთი მოთამაშე. კლოპს სჭირდება ნახევარმცველი, რომელიც შექმნის „ვერტიკალურ“ ფეხბურთს და ბურთის ართმევისთანავე შეტევის გამწვავებას შეძლებს.“

„ტაქტიკური თვალსაზრისით, კლოპის „რეალი“ უარს იტყვის ტემპის დაგდებაზე და მუდმივ შტურმზე გადავაა. ეს ნიშნავს, რომ გუნდს დასჭირდება ფიზიკური მომზადების ახალ დონეზე აყვანა. მისი მეთოდოლოგია მოითხოვს, რომ თითოეული ფეხბურთელი იყოს „უნივერსალური ჯარისკაცი“, რაც მადრიდულ კლუბს დაეხმარება არამხოლოდ ინდივიდუალური ოსტატობით, არამედ გუნდური წნეხით დაჯაბნოს ნებისმიერი მეტოქე.“

„თუ კლუბი მას სასურველ ტრანსფერებსა და სრულ ნდობას გამოუცხადებს, ჩვენ ვიხილავთ გუნდს, რომელიც არასდროს ჩერდება და თამაშის პირველივე წუთიდან ბოლო წამამდე მეტოქის განადგურებაზეა ორიენტირებული. ეს იქნებოდა სამეფო კლუბის ახალი, უფრო სწრაფი და დაუნდობელი ეპოქა.“