ჩუამენი:„პინტუსმა გუნდში სიახლეები შემოიტანა“
ორელიან ჩუამენიმ „ვალენსიასთან“ შეხვედრა შეაფასა და განაცხადა, რომ გუნდში ანტონიო პინტუსმა სიახლეები შეიტანა.
„როგორც ბურთით, ასევე ბურთის გარეშე გუნდი ეფექტური იყო. ასეთი მძიმე მატჩების მოგება აუცილებელია მაშინ, როდესაც ჩემპიონობა გინდა.“
„საკუთარი გამოსვლით კმაყოფილი ვარ და მივიჩნევ, რომ კიდევ შემიძლია მომატება. „მესტალიაზე“ ბოლომდე დავიხარჯე და მაქსიმუმი გავიღე.“
„არბელოა განსხვავებული სპეციალისტია, მასთან ერთად დრო გვჭირდება. მერწმუნეთ, ბევრი რამ შეიძლება გაუმჯობესდეს, თუმცა ყველა ფეხბურთელს სჭირდება დრო იმისთვის, რომ ახალ სისტემას მოერგოს.“
„პინტუსს ყველა კარგად იცნობს, მან გუნდში სიახლეები შემოიტანა. იტალიელ სპეციალისტს ფიზიკურ მზადებასთან დაკავშირებით სრულიად განსხვავებული ხედვები აქვს.“
„გუნდმა მწყობრი ფეხბურთი ითამაშა. ჩვენ არ გვქონია მწვავე შეტევები, მაგრამ შევქმენით არაერთი მომენტი. ასევე მნიშვნელოვანია, რომ კარი მშრალად შევინახეთ.“
„მბაპე? ის საოცარია. დარწმუნებული ვარ, ფრანგი ბომბარდირი გახდება.“
- დღეს, 11:40
- 242
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
