ალვარო არბელოამ „ვალენსიასთან“ მატჩის წინ პრესკონფერენცია გამართა.

„გუნდმა კარგად იცის, რომ „მესტალიაზე“ თამაში მარტივი არ არის, თუმცა სასწორზე მნიშვნელოვანი 3 ქულა დევს. „რეალი“ „ვალენსიას“ გამარჯვების მისაღწევად ესტუმრება. ეს არის ჩვენი უმთავრესი მიზანი.“

„ვინ ბრუნდება? ცოტა ხანში ყველაფერს შევაჯერებ და ხვალ იხილავთ, ვინ დაბრუნდება გუნდში.“

„ფეხბურთელებს განსხვავებულ პოზიციებზეც უწევთ თამაში, მაგრამ პრობლემა არავის აქვს, რადგან უმთავრესი გუნდური სულისკვეთებაა. ტრავმიანობის დასრულებასთან ერთად, მოთამაშეები საკუთარ პოზიციებს დაუბრუნდებიან, მე მათ არაერთხელ მივეცი ამის პირობა.“

„ფეხბურთელებს ორდღიანი დასვენების საშუალება მივეცი, რადგან მათ ენერგიის აღდგენა სჭირდებოდათ. მოსამზადებლად საკმარისზე მეტი დრო გვქონდა, რაც თავისთავად მნიშვნელოვანია.“

„ანტონიო პინტუსის როლი მადრიდულ ცხოვრებაში ძალიან მნიშვნელოვანია, ის დიდ ავტორიტეტს და გამოცდილებას ფლობს.“

„მასტანტუონო ძალიან ახალგაზრდაა, ის მადრიდში ბავშვი ჩამოვიდა. ყოველი თვე და კვირა მისი ზრდის და პროგრესის დანახვის საშუალებას გვაძლევს. არგენტინელს აქვს არნახული პერსპექტივა და განვითარებისთვის დრო სჭირდება. მჯერა, რომ ფრანკო ძალიან პროდუქტიული ფეხბურთის ჩვენებას შეძლებს.“

„ბრაჰიმ დიასი უნივერსალია, მას შეუძლია რამდენიმე პოზიციაზე თამაში და კონკრეტულ ტაქტიკაზე მორგება. ვფიქრობ, დიასის როლი მომდევნო მატჩებში გაიზრდება.“

„ფრან გარსიას უყვარს „რეალი“, ის ყველა ვარჯიშზე ბოლომდე იხარჯება და ყოველთვის ცდილობს, 100%-იანი შედეგების ჩვენებას. ესპანელი ბევრისთვის სამაგალითო უნდა იყოს საკუთარი შემართებით და თავდადებით.“

„სამწუხაროდ, გუნდს როდრიგო გამოაკლდა. ბრაზილიელი მალე დაბრუნდება, თუმცა რამდენიმე მატჩის გამოტოვება მაინც მოუწევს.“

„გოეშმა ბოდიში მოიხადა იმისთვის, რაც „ბენფიკასთან“ მოხდა. სამწუხაროდ, სამხრეთ-ამერიკელს ჩემპიონთა ლიგის ორივე მატჩის გამოტოვება მოუწევს.“

„ჩემს გადაწყვეტილებებში არავინ ერევა, სრული ავტონომია მაქვს და რა თქმა უნდა, პასუხისმგებლობასაც ვიაზრებ.“

„ნეგრეირას საქმე რა თქმა უნდა პოპულარობით სარგებლობს. არ ვფიქრობ, რომ ეს პრობლემა გადაუჭრელია, თუმცა ახლა სულ სხვა რამეზე ვარ კონცენტრირებული.“