იბრაჰიმა კონატე მადრიდის „რეალის“ რადარზე კვლავ დაბრუნდა.

„მერენგები“ დაცვის ცენტრალური რგოლის სერიოზულ გაძლიერებას აპირებენ და მიიჩნევენ, რომ იბუ ერთ-ერთი საუკეთესო ვარიანტია.

კონატესა და „ლივერპულს“ შორის ურთიერთობა ვერა და ვერ დალაგდა, სწორედ ამიტომ, „რეალი“ მის დაყოლიებას ცდილობს.

თუ ფრანგი ფლორენტინო პერესის წინადადებას მიიღებს, ის „რეალში“ 2032 წლის 30 ივნისამდე ითამაშებს.

მოქმედი კონტრაქტი, რომელიც იბუს მერსისაიდელებთან აკავშირებს სეზონის ბოლომდეა ძალაში.