ჯერ კიდევ შარშან მადრიდის „რეალს“ ვილიამ სალიბას დამატება 100 მილიონ ევროდ შეეძლო, თუმცა ფლორენტინო პერესმა „არსენალისთვის“ ამხელა თანხის გადახდაზე უარი განაცხადა.

ყველაფრის ფონზე სალიბამ კიდევ მოუმატა და ლონდონელთა დაცვის ბურჯად ითვლება. წელს ფრანგ ფეხბურთელს საოცარი სეზონი აქვს, რაც „მეთოფეების“ არნახულად დიდ პროგრესზე და დაცვითი პოტენციალის გაზრდაზეც აისახა.

ახლა სალიბას ფასი 100 მილიონ ევროზე მეტიც არის, „რეალში“ კი ცენტრალური მცველების პრობლემა კვლავ მწვავედ დგას.

მადრიდული გრანდი გადაწყვეტილებას ნანობს, თუმცა იცის, რომ ვილიამთან დაკავშირებით ახლა ვეღარაფერს შეცვლის, სწორედ ამიტომ ალტერნატიულ ვარიანტებზე მუშაობს.