ფერნანდო მორიენტესმა გონსალო გარსია შეაქო და განაცხადა, რომ მასში ნამდვილი გოლეადორის პერსპექტივა დევს.

„მიხარია, რომ გონსალო „რეალში“ თამაშობს, ის მეტ სათამაშო დროს იმსახურებს, რადგან ნამდვილი გოლეადორის პერსპექტივა აქვს.“

„დიახ, ხშირად მაქვს შეგრძნება, რომ გარსია სტილით მე მგავს, ასევე ჰგავს ელ კაპიტანოს და იმ ესპანელებს, რომლებმაც „რეალში“ და არამხოლოდ სამეფო კლუბში, ეპოქა შექმნეს.“

„მხარს ვუჭერ ყველა კანტერანოს, ვინაიდან ისინი კარგად იაზრებენ „რეალში“ არსებულ მოთხოვნებს და კლუბის ზოგად ფილოსოფიას.“

„დარწმუნებული ვარ, გონსალო ბევრს გაიტანს, მას შეუძლია ტიპიურ „9“-იანად ჩამოყალიბება.“