არაერთი ავტორიტეტული გამოცემის ცნობით, კრიშტიანო რონალდუს საუდის არაბეთში სიტუაცია ძალიან დაეძაბა, რაც ბოლოდროინდელ გადაწყვეტილებებს უკავშირდება.

არსებული ინფორმაციით, ლეგენდას საუდის არაბეთიდან წასვლა გადაწყვეტილი აქვს და ორ ვარიანტს განიხილავს.

სად გააგრძელებს კარიერას რონალდუ? ერთ-ერთი ვარიანტის მიხედვით, ის 1 წლით ამერიკის ჩემპიონატში წავა, მეორე ვარიანტი კი მშობლიური „სპორტინგია“, რომელიც ფეხბურთელს იმდენხნიან კონტრაქტს სთავაზობს, რამდენიც თავად ფეხბურთელს სურს.

„მარკას“ ცნობით, საუდის არაბეთში რამდენიმე გადამწყვეტი შეხვედრა მალე შედგება.